شطب شقتك صح

اختيار كل صغيره وكبيره فى الشقه امر مش بسيط فهنا فى #شطب_صح_مع_اختيار هانقولك عالمفيد ومن غير اى تعاقيد 

اولا قبل ما تشطب حاول تخطط لكل تفصيله قبل ماتبدأ شغل ممكن تعمل ده ازاااى؟!  بأنك ترسم فرش افتراضي للشقة يعنى تتخيل كل حاجه عاوزها ممكن تبقى ازاى وفين وشكلها هايبقى ايه ومحتاجها مثلا درجة جوده ايه على السلوك مثلا الخاصه بالتأسيس وتحملها قدرته ايه ومثلا مخارج الكهرباء الفييش يعنى جنب السرير بقد ايه وكام سم هاتفرق معاك بعد كده  والانتريه هايتحط فين وشكله هايبقى ازاى وهكذا اعمل فرش افتراضى حتى لو على ورق وتعمل فيها مهندس او تخيل لكل حاجه فى الشقه من قبل ما تبدأ شغل او تتكلم مع صنايعى وبكده تقدر تحدد أماكن مخارج الكهربا و السباكة صح وتبقى عارف كل حاجه من البدايه هايبقى شكلها ايه حتى شكل غرفة الاطفال والوانها وغرفة النوم متسبش حاجه غير لما تحددها الاول
نيجى للمطبخ ⬅️المطبخ من أهم الفراغات في الشقة بلاش تضيق مساحته عشان توسع الريسبشن بيختلف المطبخ الكبير عن الصغير والاكيد ان لما تخليه ينفع يتحط فيه تربيزه صغيره تنضف المدام الخضار عليها احسن ما تاخد الخضار كله وتقعد بيه فى الريسبشن ومهم توسيع المطبخ لحاجات كتير تانيه